þriðjudagur, apríl 24, 2012

ja hérna mér

Svona fór bloggferillinn. Ekki bofs svo árum og mánuðum skiptir. Maður er ekki nógu stafrænn ... öss. Hér er hins vegar hægt að skoða myndabloggið mitt. Þar gerist heldur ekki neitt.

sunnudagur, apríl 04, 2010

Páskaegglos

Í dag munu ógnarmörg súkkulaðiegg glata formi sínu en um leið hafa sterk áhrif á form annarra.

Úr formi ertu komið og að formi skaltu aftur verða. Páskaegglos eru misgeðsleg.

fimmtudagur, september 03, 2009

The Post 1



Mér datt í hug þessi litla þriggja ramma myndasaga.

mánudagur, júní 22, 2009

mánudagur, apríl 27, 2009

Kosningar að baki

Allir hafa sigrað nema Sjálfstæðisflokkurinn og Frjálslyndir, sem þurrkuðust út. Bjarni Ben er Svarti Pétur sem enginn vill sitja uppi með. Tapflokkarnir töluðu gegn ESB fyrir kosningar.

Fjórir flokkar hrósa hins vegar sigri. Þeir segja allir að þjóðin hafi kosið þeirra stefnu. Hvernig væri að þeir mynduðu allir saman stóra og kröftugan stjórnarmeirihluta? Yrðu þá ekki málin að leysast snarlega milli flokkanna? Vel mætti ímynda sér að meira kæmist í verk á skemmri tíma.

Aðildarviðræður við ESB væru lýðræðisleg nauðsyn fyrir slíka stjórn. VG gætu lyft höndum í kurteisislegri uppgjöf og sagt: "Ókei, ókei, látum þá þjóðina ráða. Lýðræðisleg vinnubrögð gera meira gagn en þjóðernisrómantík."

Ráðherrar í þannig stjórn mættu hins vegar gjarnan vera utanaðkomandi. Þeim virðist fremur treyst. Þingmenn gætu þá einbeitt sér að því að búa til skynsamleg lög. Það er jú hlutverk þeirra.

föstudagur, janúar 23, 2009

æfing 2

Skipstjórinn og sóknarpresturinn sungu kersknisvísur í sextugsafmæli hafnarstjórans við almenna kátínu. Eftir dansleikinn ákváðu drengirnir að þröngva þeirri kiðfættu til samræðis. Fjöldi blaðamanna sat í þröngum salarkynnum flokksins og beið í ofvæni þess sem verða vildi. Þórhildur sneið efnið af nákvæmni svo kjóllinn kæmi vel inn í mittið. Það er mikilvægt að öll börnin fylgist með upplestri kennarans. Ef þú ferð með bréfið til Hafsteins mun ég opna gosflöskuna og leyfa þér að fá þér drjúgan sopa. Beygðu þig fram og láttu buxurnar strekkjast yfir þjóhnappana svo ég geti rassskellt þig harkalega.

fimmtudagur, janúar 01, 2009

Íslendingar borða



Evrópa - upp til hópa

Slóvakía tekur upp evru í dag. Eftir að Slóvakar hafa bæst í hópinn nota nú alls 330 milljónir Evrópubúa evruna. Úff, hvílíkt mannhaf þarna úti sem hefur ekki vit á að rotta sig í smærri hópa um örmyntir. Veit það ekki að hollur er heimafenginn skuldabaggi?

þriðjudagur, desember 30, 2008

Jóladraugurinn - jólasagan 2008

Það var Þorláksmessukvöld og ríka fjölskyldan Garabíala var búin að stafla pökkum við hliðina á jólatrénu. Þau fengu alltaf mikið af pökkum en fannst það bara fínt. Þau vildu alls ekki gefa fátæku börnunum neitt. Þau voru svo eigingjörn. Garabíala fjölskyldan vissi ekki að þeim yrði refsað fyrir það.

Já, mikil ósköp. Þeim var sko refsað. Jú, það var þannig að Maja Garabíala sá draug. Hann sagði þetta: Taktu helminginn af pökkunum í Rauða krossinn eða ég tek alla pakkana og fer með þá sjálfur.

Nauts, sagði Maja Garabíala. Svo, já draugurinn tók alla pakkana nema fimm (þau voru fimm í fjölskyldunni) og fór með þá í Rauða krossinn.

En Garabíala fjölskyldan fékk að launum hamingjusömustu jól ævi sinnar.

höfundur: Birta Líf

Áramót

Hver áramót er sýndur fréttaannáll. Fréttir utan úr heimi og innan úr þjóðlífinu. Þetta árið verður innlendi annállinn hæg endursýning á fláningu þjóðar. Ég iða í skinninu.

sunnudagur, desember 21, 2008

Vegsauki

Þrátt fyrir erfiðleika í þjóðarbúskapnum láta Íslendingar ekki deigan síga. Þeir gera það enn gott á alþjóðavettvangi. Yfirstjórn Norræna vegasambandsins hélt stjórnarfund sinn á Íslandi nýlega og við það tækifæri var Jón Rögnvaldsson fyrrverandi vegamálastjóri gerður að heiðursmeðlim í Norræna vegasambandinu.

laugardagur, desember 20, 2008

Fjölmiðlalöggæsla

Upp á síðkastið hefur borið nokkuð á þeirri skoðun að ströng fjölmiðlalög hefðu komið í veg fyrir hrun íslensks efnahagslífs. Ég leyfi mér að efast um það. Þau lög fjölluðu um eignarhald á fjölmiðlum. Hvernig er hægt að halda því fram að þeir hefðu ekki spilað með í vitleysunni samt? Fjölmiðlarnir hefðu eftir sem áður verið háðir kaupum á auglýsingum og velvilja lánardrottna sinna. Ekki síður stjórnvalda.

Undanfarin ár hefur eignamönnum verið hyglað á allan hátt. Heimildir þeirra verið auknar og skyldur þeirra minnkaðar. Þeim var meira að segja frjálst að kaupa hlutabréf í sjálfum sér, aftur og aftur. Það var eiginhagsmunarunk og þeir máttu, enda sjálfstæðir og frjálsir.

Almennir borgarar fengu brauð og leika til að vera til friðs. Hættulegast þótti að fólk fengi að hugsa og taka sjálft afstöðu til málanna, t.d. með þjóðaratkvæðagreiðslu um mikilsverð mál: Evrópumál, fjölmiðlalög o.s.frv. Eignamenn hefðu getað misst krónu úr veski sínu.

Þetta voru átök þeirra sem fæddust auðugir og þeirra sem slegist höfðu til ríkidæmis. Tveir frekir krakkar slógust og fjölmiðlalögin voru bara sársaukafull klípa, hártog eða pungspark í þeirri viðureign. Og enn slást krakkakvikindin, veltast um stofuna brjótandi og bramlandi.

Stjórnarheimilið kann ekki að ala þá upp. Armur laganna stendur lamaður út úr þjóðarbúknum. Þingið hugsar bara um ásjónu sína, varalitar sig skjálfhent og meikar ekki að fara allsgáð í atkvæðagreiðslu.

Þjóðmál

Maður leyfir sér stundum að ybba gogg yfir bloggi annarra um þjóðmál. Ég var t.d. að lesa hinn fasprúða ÁBS áðan, sem mér finnst gaman að lesa. Fátt er ánægjulegra en að fjasa yfir bloggi náungans. Mér datt því í hug að búa til efnisflokkinn þjóðmál og reyna að skrifa um þau. En sparlega.

fimmtudagur, desember 18, 2008

miðvikudagur, desember 17, 2008

Stafsetning - æfing 1

Íslendingar hafa löngum sótt sjóinn af dug og ósérhlífni. Ferðamennirnir stigu stirðir út úr langferðabifreiðinni. Kliður fór um litríkan hópinn þegar Geysir spýtti ógnarheitri gufusúlunni þráðbeint upp í heiðríkt morgunloftið. Kjötbollurnar verður að brúna hæfilega svo að bragð þeirra fái notið sín. Heimsmarkaðsverð á áli hefur lækkað í kjölfar afleitrar afkomu bílaframleiðenda um allan heim. Sigrún kemur blaðskellandi inn í stofuna með sultuslettur á grófmunstruðum kjólgopanum. Börnin klára allar baunirnar og kartöflurnar og bíða stillt meðan allholdug móðir þeirra leggur skjálfandi vanillubúðing á matarborðið. Formaður verkalýðsfélagsins hló með sjálfum sér og gerði formhreina kúlu úr horinu sem hann náði úr nefinu sólarmegin.

þriðjudagur, desember 16, 2008

Súputeningur 1

litla snjókornið
þráir heitast að verða
munnvatnið hennar